herit_admin

Në Tiranë u nda nga jeta Behar Shtylla, arsimtar, nëpunës, deputet, diplomat dhe ministër i Shtetit Shqiptar.

U nda nga jeta Kristaq Prifti, historian, turkolog, profesor, akademik.

Në Berlin të Gjermanisë lindi Jakob Filip Falmerajer (Jacob Philipp Fallmerayer), historian austriak, bizantinist, publicist, anëtar i Akademisë së Shkencave të Bavarisë; bëri një varg udhëtimesh në vendet e Lindjes, në Turqi, në Maqedoni si dhe në Greqi, ku u njoh me popullsinë arbëreshe.

Në Galicë të Drenicës lindi Azem Bejta - Galica, luftëtar në lëvizjen antiosmane dhe prijës i çetave të armatosura kundër Serbisë dhe Malit të Zi, pas vitit 1912. I ati, Bejta, u vra më 1907 në luftë kundër ushtrisë osmane.

U krijua “Krahina autonome e Korçës” (1916–1918), administratë krahinore autonome që realizoi Lëvizja Kombëtare në Korçë në kushtet e pranisë së trupave ushtarake franceze.

Në qytetin e Korçës u themelua shoqëria “Artet e bukura”, shoqëri artistike.

Në Sarajevë (Bosnjë-Hercegovinë) lindi Robert Shvarc, përkthyes.

Në Toshkës të Përmetit lindi Ali Muka, studiues i arkitekturës popullore, profesor.

U ekzekutua me pushkatim Dom Ejëll Kovaçi, klerik katolik.

Në fshatin Dhëmbell të Devollit (sot në Greqi) lindi Sotir Papahristo, filolog klasik, veprimtar i arsimit, autor veprash pedagogjike, drejtues institucionesh arsimore, përkthyes, kandidat i shkencave filologjike, “Mësues i merituar”.