herit_admin

Në Këllëz të Lunxhërisë lindi atdhetari dhe luftëtari i Luftës Antifashiste Nacionalçlirimtare, Naqo Lame Qirko.

Në Tiranë, në një familje punëtore qytetare, lindi Beqir Balluku, pjesëmarrës i Luftës Antifashiste Nacionalçlirimtare dhe drejtues i formacioneve të Ushtrisë Nacionalçlirimtare Shqiptare, gjeneralkolonel, shef i Shtabit të Përgjithshëm të Ushtrisë, ministër i Mbrojtjes, zv.kryetar i Këshillit të Ministrave, anëtar i Komitetit Qendror dhe i Byrosë Politike të Partisë së Punës së Shqipërisë.

Në fshatin Degë të Tropojës, u vra duke luftuar kundër nazistëve gjermanë Fahri Ramadani, pjesëmarrës i Luftës Antifashiste Nacionalçlirimtare, Hero i Popullit.

Mori nënshtetësinë shqiptare Shën Tereza.

Në Pejë lindi Faruk Begolli, aktor, regjisor, profesor universiteti.

Në fshatin Llugë të Podujevës lindi Afrim Zhitia, veprimtar politik i lëvizjes ilegale, dëshmor.

Në Nju-Jork (SHBA) u nda nga jeta Gjon Mili, fotograf shqiptaro-amerikan.

Lindi Todi Lubonja, shkrimtar, ish-drejtor i Radio Televizionit Shqiptar.

Në Moskë, u nda nga jeta Halim Xhelo (1894–1937), veprimtar i lëvizjes demokratike e komuniste, Hero i Popullit.

Në Nju-Jork u nda nga jeta Rexhep Krasniqi (1906–1999), veprimtar politik dhe i arsimit kombëtar.