herit_admin

Incidenti i Kanalit të Korfuzit: Dy anije britanike që po kalonin në ujërat territoriale shqiptare, pranë Kanalit të Korfuzit, ranë në mina dhe nga shpërthimi i tyre vdiqën 43 ushtarë dhe oficerë britanikë, si dhe u plagosën po aq të tjerë.

U nda nga jeta imzot Frano Illia, klerik i lartë katolik, Kryeipeshkëv Metropolitan i Shkodrës (1993–1997), etnograf e përkthyes.

Në Tiranë u nda nga jeta Geraldinë Zogu (Geraldine Apponyi), mbretëreshë e shqiptarëve e kurorëzuar nga martesa civile me mbretin e shqiptarëve, Ahmet Zogu, në Tiranë, më 27 prill 1938.

Në Horën e Arbëreshëve (it. Piana degli Albanesi) në Sicili, lindi Dhimitër Kamarda (it. Demetrio Camarda), gjuhëtar e filolog arbëresh, klerik.

Në Berlin të Gjermanisë u nda nga jeta Franc Bop (Franz Bopp), gjuhëtar gjerman, albanolog, themeluesi kryesor i gjuhësisë krahasuese historike indoevropiane, profesor në Universitetin e Berlinit.

Në Fishtë të Zadrimës lindi Gjergj Fishta, poet, klerik i lartë, estet, politikan, polemist, dramaturg.

Në Shkodër lindi Simon Rrota, piktor, Piktor i merituar.

U çel në Korçë shkolla e parë shqipe për vajza.

Në Stamboll u nda nga jeta Abdyl Frashëri, ideator dhe njëri nga udhëheqësit kryesor të Lidhjes Shqiptare të Prizrenit, politikan, diplomat.

Në kampin nazist të Prishtinës, u ekzekutua me pushkatim Gjikë Kuqali, shkrimtar dëshmor.