herit_admin

Në fshatin Priskë të Tiranës u krijua trupa artistike profesioniste, Orkestra Frymore e Ushtrisë. Me urdhër të shtabit të Korparmatës I të Ushtrisë Nacionalçlirimtare Shqiptare, u grumbullua një grup muzikantësh partizanë dhe u formua orkestra frymore e këtij formacioni të madh partizan.

U nda nga jeta Margaret Hasllëk (Hasluck), studiuese skoceze e etnokulturës shqiptare. Lindi në Moraishajër (Morayshire, Skoci), në vitin 1885. Kreu studimet në Universitetin e Aberdinit (1907), në degën klasike, pastaj studioi në Kembrixh, në degën juridike.

Në fshatin Kralan të Gjakovës, gjatë luftimeve të ashpra u vra Ilir Soba, luftëtar i Ushtrisë Çlirimtare të Kosovës, dëshmor.

Në Mugia të Italisë lindi Fulvio Kordinjano (it. Fulvio Cordignano), studiues italian.

Në Broco të Markenos (Bresha–Itali) lindi at Giovanni Fausti, martir i Kishës Katolike.

19 tetor 1912- 22 prill 1913. U zhvillua “Beteja për Shkodrën”, qëndresa e forcave osmane dhe shqiptare ndaj veprimeve të forcave ushtarake të Malit të Zi e të Serbisë për pushtimin e Shkodrës.

Në fshatin Pepsumaj të Shoshit lindi Kolë Prela, profesor, nacionalist, luftëtar antifashist, deputet i Dukagjinit.

Në Gllaviçicë afër Pejës, lindi Mark Krasniqi, profesor universiteti, etnograf dhe gjeograf, shkrimtar, akademik.

Në Tiranë u nda nga jeta Mahir Domi, gjuhëtar, profesor, akademik, Mësues i Popullit.

Në Tiranë u nda nga jeta Dhimitër Xhuvani, shkrimtar.