herit_admin

Në Leskovik lindi Naim S. Frashëri, aktor i teatrit dhe i filmit, Artist i Popullit, Hero i Punës Socialiste.

U mblodh “Kongresi Arsimor Kombëtar i Lushnjës”, që përcaktoi fizionominë dhe frymën kombëtare të arsimit në shtetin e pavarur shqiptar.

Në fshatin Lanaj të Kukësit lindi Sheh Ali Bogdani, klerik i lartë mysliman, nënmyfti i Lumës.

Në Shkodër lindi Rrok Gera, ekonomist, anëtar korrespondent i Komisionit Financiar të Lidhjes së Kombeve në Gjenevë, ministër i Financave, ministër i Ekonomisë Kombëtare, bashkëdrejtues i revistës “Ekonomisti shqiptar”.

Në fshatin Nistrovë të Rekës së Epërme, që asokohe i takonte sanxhakut të Dibrës, lindi Josif Bageri, poet, shkrimtar, publicist, veprimtar i Rilindjes Kombëtare.

Në Shkodër lindi Kolë Idromeno (Nikollë), piktor, fotograf dhe arkitekt, Piktor i Popullit.

Në Tiranë u nda nga jeta Sokrat Mio, regjisor teatri, Artist i merituar.

U organizua “Kryengritja e Fierit”, e organizuar për përmbysjen e regjimit monarkik, likuidimin e ndërhyrjes së imperializmit italian dhe vendosjen e një regjimi republikan. Shkaku i saj ishte keqësimi i gjendjes ekonomike e politike të vendit.

Në Selanik, u vra me atentat Hasan Prishtina, veprimtar i lëvizjes kombëtare të periudhës së Rilindjes, i lëvizjes për një shtet demokratik në Shqipëri, për çlirimin e Kosovës dhe për bashkimin e saj me shtetin e pavarur shqiptar.

Në Shkodër lindi Gaspër Pali, poet lirik.