herit_admin

Në fshatin Prekaz i Epërm të Drenicës, gjatë sulmit makabër treditor të forcave militare dhe paramilitare serbe ndaj familjes Jashari, ra dëshmor kryekomandanti Adem Jashari (1955–1998), themelues i Ushtrisë Çlirimtare të Kosovës, luftëtar dhe komandant legjendar, hero i Luftës Çlirimtare të popullit të Kosovës.

U nda nga jeta Berit Beker (Backer), studiuese norvegjeze në fushën e antropologjisë sociale.

Lindi Giuseppe Gangale, një ndër kontribuuesit e parë për ruajtjen e kujtesës identitare arbëreshe.

U nda nga jeta Kostandin Kristoforidhi, lëvrues dhe studiues i gjuhës shqipe, veprimtar i Rilindjes Kombëtare në fushën e arsimit dhe të kulturës.

Në Strigar të Kozencës (Itali) lindi Zef Serembe (Giuseppe, 1843–1901), poet lirik arbëresh.

Lindi në Shkodër Lazër Mjeda (1869–1935), klerik katolik, themelues i shoqërisë kulturore “Agimi” dhe mbrojtës i çështjes kombëtare.

Lindi në Shkodër Qemal Draçini (1922–1947), kritik, studiues, publicist, lëvrues i poezisë dhe i prozës.

U miratua ligji “Mbi ndalimin e mbulesës së gruas”, sipas të cilit kundërvajtëset gjobiteshin deri 500 franga ari.

Në Ramicë të Vlorës pushkatohet Ramize Gjebrea, ish-nxënëse e shkollës femërore “Nëna Mbretneshë”, flamurtare e demonstratës antifashiste së rinisë së Tiranës, partizane, përgjegjëse e rinisë së brigadës së pestë, intelektuale, publiciste, mbesë nga Kaçaniku (Kosovë), që luftonte për lirinë dhe bashkimin kombëtar. 

Më shumë se 3000 mijë shtetas hipën në bordin e anijes “Tirana” dhe lanë Shqipërinë, për t’u nisur drejt fqinjit përtej Adriatikut.