herit_admin

Gjatë luftimeve në Jezerc (Ferizaj) u vra Nazim Terziu, luftëtar i Ushtrisë Çlirimtare të Kosovës, dëshmor.

Gjatë betejës në Jezerc (Ferizaj) u vra Sejdi Sejdiu, luftëtar i Ushtrisë Çlirimtare të Kosovës, dëshmor.

Në Zërqan të Dibrës u nda nga jeta Nazmi Rushiti, pjesëmarrës i Luftës Antifashiste Nacionalçlirimtare, Hero i Popullit.

U formua “Divizioni IV Sulmues i Ushtrisë Nacionalçlirimtare Shqiptare".

Në Erind të Gjirokastrës u nda nga jeta Petro Poga, veprimtar i Lëvizjes Kombëtare, ministër, deputet.

Në sallën e kinemasë “17 Nëntori” Tiranë u zhvillua procesi i njohur si “Gjyqi i deputetëve”, një ndër masakrat e vërteta pas një gjyqi të shpejtë që kishte për qëllim të zhdukte elitën politike dhe kundërshtarët e mundshëm të regjimit komunist.

Në fshatin Shën Mitri (it. San Demetrio Corone) të Kalabrisë lindi Damiano Guagliardi, eseist, shkrimtar, një nga aktivistët më të mëdhenj të çështjes arbëreshe në Itali.

Në fshatin Shën Mitri (it. San Demetrio Corone) të Kalabrisë lindi Pino Cacozza (Giuseppe Cacozza - Zef Kakoca), poet dhe kantautor arbëresh.

Në Shkodër lindi Frederik Shiroka, mjek kirurg, doktor i shkencave.

Në Shkodër lindi at Çiril Cani, klerik katolik, veprimtar i lëvizjes kombëtare shiptare.