herit_admin

Në Tiranë doli numri i parë i gazetës “Puna” (1945–1990), gazetë politiko-shoqërore, organ i këshillit të përgjithshëm të Bashkimeve Profesionale të Shqipërisë.

Më 30 prill 1910, nisi Beteja e Kaçanikut, ndërmjet kryengritësve shqiptarë të krahinave juglindore të Kosovës nën udhëheqjen e Idriz Seferit dhe forcave të ushtrisë osmane të komanduara nga gjeneral Shefqet Turgut Pasha.

Më 30 prill 2011 u nda nga jeta Ernesto Sabato, shkrimtar argjentinas me origjinë arbëreshe.

Më 30 prill 1948, në Shkodër, përpara se të dilte në gjyq, vdiq gjatë torturave Dom Dedë Plani.

Më 29 prill 1932, në Peshtan të Tepelenës lindi Trifon Xhagjika, poet, ushtarak e disident.

Më 28 prill 1912, në Boston (SHBA) u themelua federata “Vatra”, shoqëri patriotike e emigrantëve shqiptarë në Shtetet e Bashkuara të Amerikës; një nga më të mëdhatë, më të rëndësishmet dhe më jetëgjata në diasporën shqiptare.

Më 28 prill 1949, në Shkup u nda nga jeta Nexhat Agolli, luftëtar antifashist, mbrojtës i të drejtave të shqiptarëve në Maqedoni.

Më 28 prill 1971, në Gjakovë lindi Ilir Soba, luftëtar i Ushtrisë Çlirimtare të Kosovës, dëshmor.

Më 27 prill 1873, në Vushtrri të Kosovës lindi Hasan Prishtina, veprimtar i lëvizjes kombëtare të periudhës së Rilindjes për një shtet demokratik në Shqipëri, për çlirimin e Kosovës dhe për bashkimin e saj me shtetin e pavarur shqiptar.

Më 27 prill 1924, në Tiranë doli numri i parë i gazetës “Tirana” (1924–1925), gazetë politike e letrare e përjavshme.