herit_admin

Në sallën e kinemasë “17 Nëntori” Tiranë u zhvillua procesi i njohur si “Gjyqi i deputetëve”, një ndër masakrat e vërteta pas një gjyqi të shpejtë që kishte për qëllim të zhdukte elitën politike dhe kundërshtarët e mundshëm të regjimit komunist.

Në fshatin Shën Mitri (it. San Demetrio Corone) të Kalabrisë lindi Damiano Guagliardi, eseist, shkrimtar, një nga aktivistët më të mëdhenj të çështjes arbëreshe në Itali.

Në fshatin Shën Mitri (it. San Demetrio Corone) të Kalabrisë lindi Pino Cacozza (Giuseppe Cacozza - Zef Kakoca), poet dhe kantautor arbëresh.

Në Shkodër lindi at Çiril Cani, klerik katolik, veprimtar i lëvizjes kombëtare shiptare.

Në Uorçester (SHBA) doli numri i parë i gazetës “Sazani” (1917–1918), gazetë e përdyjavshme politike e shoqërore.

Në Kllezën të Ulqinit lindi imzot Rrok Mirdita, argjipeshkëv i Argjipeshkvisë Metropolitane Tiranë - Durrës, Kryetar i Konferencës Ipeshkvnore të Shqipërisë (1996–2000).

Qitësja, Mjeshtrja e Merituar e Sportit, Elisabeta Karabolli (Nishica), përfaqësoi Shqipërinë në Gjermani dhe u shpall kampione e Evropës në pistoletë ajrore.

Në frontin e luftës u vra Bajram Sylejmani, luftëtar i Ushtrisë Çlirimtare të Kosovës, dëshmor.

Gjatë betejës në Jezerc (Ferizaj) u vra Bashkim Vishi, luftëtar i Ushtrisë Çlirimtare të Kosovës, dëshmor

Në frontin e luftës me forcat serbe u vra Gursel Sylejmani, luftëtar i Ushtrisë Çlirimtare të Kosovës, dëshmor.