herit_admin

Në komunën e Skënderajt të Kosovës u zhvilluan “Luftimet e Rezallës së Re”, operacioni i parë i luftës ballore ndërmjet forcave të Ushtrisë Çlirimtare të Kosovës dhe forcave ushtarake policore serbe.

Në Çikago (SHBA) u nda nga jeta Isuf Luzaj, shkrimtar, veprimtar politik, profesor i letërsisë dhe i filozofisë.

U nda nga jeta Sotir Ferrara, personalitet i klerit dhe i kulturës arbëreshe.

Lindi Justin Godart (Zhysten Godar), personalitet politik francez me ide përparimtare, deputet dhe ministër në qeverinë e Francës gjatë Luftës I Botërore, mik i Shqipërisë, të drejtat e së cilës i mbrojti në arenën ndërkombëtare.

Në Malësinë e Dukagjinit u vra nga forcat armike Çelo Sinani.

U nda nga jeta Omer Nishani, veprimtar i lëvizjes demokratike, pjesëmarrës i Luftës Antifashiste Nacionalçlirimtare dhe funksionar i lartë i shtetit shqiptar të pasluftës, kryetar i Presidiumit të Kuvendit Popullor (1946–1953).

Në Bruksel të Belgjikës u nda nga jeta Fiqri Dine, ushtarak, veprimtar politik, ministër e kryeministër.

Në Tiranë u nënshkrua “Pakti italo-shqiptar i miqësisë dhe i sigurimit”.

U themelua Teatri Kombëtar i Operës dhe i Baletit, institucion kombëtar muzikor e koreografik.

Në Prishtinë, në Podujevë, në Gjilan dhe në Ferizaj u organizuan demonstrata masive e rinisë dhe e popullit shqiptar të Kosovës, me kërkesën kryesore që Kosovës t’i njihej statusi i republikës në kuadër të Federatës Jugosllave.