herit_admin

Filloi “Rrethimi i parë i Shkodrës”, një ndër fushatat e fundit të ushtrisë osmane për pushtimin e Shqipërisë, i cili zgjati deri në fillimin e gushtit 1474.

Në Sofje (Bullgari) doli numri i parë i gazetës “Shqypeja e Shqypënis” (“Albanski orel”, 1909–1911), gazetë politike, shoqërore, kulturore e letrare, në gjuhën shqipe e pjesërisht bullgarisht.

Në Korçë lindi Guri Madhi, piktor, një nga artistët e rëndësishëm shqiptar të realizmit socialist, në gjysmën e dytë të shekullit XX.

Shpërtheu “Lëvizja e Delvinës”, lëvizje për përmbysjen e monarkisë.

Në fshatin Shkabë (ish-Gllanaselle) të Drenasit në Kosovë lindi Lladrovci, veprimtar i Lëvizjes Popullore të Kosovës, luftëtar i Ushtrisë Çlirimtare të Kosovës, Hero i Kosovës.

Në Prizren të Kosovës u nda nga jeta imzot Nikollë Mini, titullar i Kishës Katolike.

Filloi “Beteja e parë e Sfetigradit”, një nga betejat më të gjata e heroike të ushtrisë shqiptare, të komanduar nga Skënderbeu, kundër ushtrisë osmane të komanduar nga vetë sulltan Murati II.

Filloi “Rrethimi i parë i Krujës”, rrethim i ndërmarrë nga ushtria osmane, me qëllim që pas marrjes së Krujës, si qendër kryesore politike-ushtarake e qëndresës shqiptare, të pushtohej brenda një kohe të shkurtër e tërë Shqipëria.

Në Orenjë të Librazhdit lindi Hafiz Sabri Koçi, klerik i lartë, kryetar i Komunitetit Mysliman të Shqipërisë (1991–2004).

Në Varshavë të Polonisë u nënshkrua “Traktati i Varshavës”, aleancë politiko-ushtarake ndërmjet Bashkimit Sovjetik, Çekosllovakisë, Republikës Demokratike Gjermane, Bullgarisë, Hungarisë, Polonisë, Rumanisë dhe Shqipërisë, me një afat prej 20 vjetësh.