herit_admin

Në Mitrovicë të Kosovës lindi Muharrem Qena, regjisor, aktor, dramaturg, kantautor.

Në Buenos-Ajres të Argjentinës lindi Ernesto Sabato, shkrimtar argjentinas me origjinë arbëreshe.

U nda nga jeta Jashar Erebara (1872–1953), rilindës, veprimtar i arsimit, publicist.

Në Prishtinë u nda nga jeta Beqir Musliu, poet, prozator, dramaturg dhe kritik teatri.

Kuvendi i Përgjithshëm i krerëve shqiptarë i mbledhur në pllajën e Greçës, në perëndim të Selcës, në Malësinë e Madhe, miratoi dokumentin më të rëndësishëm të Kryengritjes së Malësisë së Mbishkodrës, të njohur me emrin “Memorandumi i Greçës”, i hartuar nga Ismail Qemali e Luigj Gurakuqi.

Në Korçë lindi Viktor Gjika, regjisor, operator, Artist i Popullit.

Në Durrës, gjatë vizitës në Shqipëri si i ftuar nga Universiteti i Tiranës, u nda nga jeta Franc Babinger (Franz), historian, osmanolog dhe balkanolog.

Në Vipuri (atëherë si pjesë e Finlandës) lindi Marti Ahtisari (Ahtisaari), politikan finlandez, ndërmjetës në zgjidhje kontestesh ndërkombëtare, laureat i çmimit “Nobel për Paqe”.

Në Tiranë u përurua kinema-theatër “Nacional”, e para kinema publike në kryeqytetin shqiptar.

U zhvillua “Lufta e Tre Heronjve të Shkodrës”, një nga përpjekjet më heroike të luftës në qytete gjatë vitit 1942.