herit_admin

Në Kukës u var Havzi Nela, poet dhe antikomunist.

Në burgun e Qafë-Barit (Pukë) u organizua një grevë urie, e cila ishte një nga kambanat më të forta për ndryshimin e ligjit dhe kërkesave të njëpasnjëshme të organizatave të ndryshme për amnistinë e të burgosurve politikë në Shqipëri.

Në Kaçanik ra heroikisht Agim Bajrami, luftëtar i Ushtrisë Çlirimtare të Kosovës, Hero i Kosovës.

Ra në Drojtje të Junikut Bedri Shala, luftëtar i Ushtrisë Çlirimtare të Kosovës, dëshmor.

Gjatë luftimeve të ashpra në Junik të Gjakovës, u vra Permet Vula, luftëtar i Ushtrisë Çlirimtare të Kosovës, dëshmor.

U nda nga jeta Aleksandra Mano, e para arkeologe shqiptare, specialiste në periudhën e antikitetit, profesore.

Në Karpenisi të Greqisë u vra Marko Boçari, komandant suljot, hero i luftës për pavarësinë e Greqisë.

U zhvillua “Masakra e Manastirit”, një ndër veprimet gjakatare më të pabesa të Portës së Lartë, të kryera në Shqipëri për të nënshtruar lëvizjen shqiptare për vetëqeverisje.

Në Karshijaka (Turqi) lindi Vedat Kokona, shkrimtar, përkthyes, leksikograf e pedagog.

Në Berat lindi Kasëm Trebeshina, poet, prozator, dramaturg, eseist.