U zhvilluan “Luftimet në Qafën e Gjarprit dhe në Gurin e Prerë”, luftime nga më të ashprat që zhvilluan forcat e Ushtrisë Nacionalçlirimtare Shqiptare gjatë mësymjes së përgjithshme armike të qershorit 1944.
Në fshatin Qabiq të komunës së Klinës lindi Mujë Krasniqi, pjesëmarrës i luftës së Ushtrisë Çlirimtare të Kosovës (UÇK), Hero i Kosovës, i njohur si komandant “Kapuçi”.
Filloi “Lufta e Vlorës”, një luftë e armatosur e popullit shqiptar për çlirimin e krahinës së Vlorës nga pushtuesit italianë dhe për bashkimin e saj administrativ me pjesën tjetër të Shqipërisë.
Në fshatin Idrizaj të Gjilanit lindi Mulla Idris Gjilani, klerik, një nga organizatorët dhe drejtuesit kryesorë të qëndresës kundër rivendosjes së pushtetit jugosllav në Kosovë në mbarim të Luftës II Botërore.
