herit_admin

16-20 Shtator 1943. U mblodh “Lidhja e dytë e Prizrenit” (1943–1944), organizatë politike e ushtarake, që u krijua në Kosovë për të luftuar për ruajtjen e tërësisë së trojeve etnike shqiptare nga rreziku i copëtimit dhe kundër hyrjes në Kosovë të formacioneve çetnike e të reparteve partizane serbe, malazeze e maqedonase.

Ra heroikisht në luftimet kundër nazistëve gjermanë pranë Morinit, në rrugën Kukës-Prizren, Llambro Andoni, pjesëmarrës i Luftës Antifashiste Nacionalçlirimtare, Hero i Popullit.

Në Tiranë lindi Fatos Nano, kryeministër i Republikës së Shqipërisë në disa qeveri pas vendosjes së pluralizmit politik, kryetar i Partisë Socialiste të Shqipërisë që nga themelimi i saj (1991) deri më 1 shtator 2005, deputet në të gjitha legjislaturat që nga viti 1991, profesor.

U nda nga jeta Prenkë Jakova, kompozitor, Artist i Popullit.

Në Shkodër lindi Pashko Vasa, shkrimtar, njëri nga ideologët e Rilindjes Kombëtare.

U plagos rëndë dhe u nda nga jeta Mine Peza (1875–1942), pjesëmarrëse e lëvizjes antifashiste, gruaja e parë dëshmore e Luftës Antifashiste Nacionalçlirimtare në Tiranë, Heroinë e Popullit.

Në Shkodër u vetëvra Jup Kazazi, veprimtar politik, ministër i Partisë Fashiste në qeverinë e Mustafa Krujës, udhëheqës i Ballit Kombëtar.

Në Pezë u formua Brigada XXII Sulmuese e Ushtrisë Nacionalçlirimtare Shqiptare.

U nda nga jeta Andrea Varfi, shkrimtar, publicist e përkthyes.

Në Melçan të Korçës u vra Safet Butka, profesor, nacionalist, kundërshtar i komunizmit, i biri i atdhetarit Sali Butka.