Në krahinën malore të Dukagjinit (rrethi i Shkodrës) shpërtheu “Kryengritja e Dukagjinit”, kryengritje antiqeveritare e malësorëve të Veriut për shkak të gjendjes së vështirë ekonomike.
Në Symizë të Fratarit (Mallakastër) u vra duke luftuar me forcat naziste Gjokë Doçi, pjesëmarrës i Luftës Antifashiste Nacionalçlirimtare, Hero i Popullit.
Vrau veten Nako Spiru, veprimtar politik, një ndër drejtuesit kryesorë të Luftës Antifashiste Nacionalçlirimtare, të Partisë Komuniste Shqiptare, të Rinisë Komuniste Shqiptare dhe të shtetit shqiptar pas çlirimit.
Në fshatin Zhejë të Krujës u vra në përpjekje me një grup të armatosur antiqeveritar Nuri Luçi, pjesëmarrës i Luftës Antifashiste Nacionalçlirimtare, Hero i Popullit.
