Më 27 prill 1982, në Tiranë u nda nga jeta Skënder Petro Luarasi, publicist e përkthyes, luftëtar antifashist, veprimtar i arsimit dhe i shkollës shqipe.
U zhvillua “Masakra e Mejës”, masakër e forcave policore dhe ushtarake të Serbisë mbi civilët shqiptarë në jugperëndim të Gjakovës, në rajonin e Rekës së Keqe, pranë kufirit Kosovë–Shqipëri.
Më 26 prill 1915 u nënshkrua Traktati Fshehtë i Londrës, një marrëveshje nga përfaqësuesit e Britanisë së Madhe, të Francës dhe të Rusisë në njërën anë dhe të Italisë në anën tjetër.
Në Gjermani u nda nga jeta Jakob Filip Falmerajer (Jacob Philipp Fallmerayer), historian austriak, bizantinist, publicist, anëtar i Akademisë së Shkencave të Bavarisë.
