Doli në Nju-Jork numri i parë i gazetës “Albania” (1929–1932, 1933–1940), gazetë politike, shoqërore, kulturore e letrare, organ i shqiptarëve dhe arbëreshëve të Italisë të mërguar në SHBA.
U nda nga jeta Ali Pashë Tepelena (1740–1822), sundimtar i fuqishëm në Shqipërinë Jugore, themelues i Pashallëkut të Janinës, kryengritës kundër pushtetit të Portës së Lartë në Shqipëri.
Në Shënpjetër të Fierit lindi Jani Minga, veprimtar i shkollës shqipe, i Rilindjes Kombëtare dhe i “Lëvizjes demokratike” (1920–1924), Mësues i Popullit.
