Në Tiranë u nda nga jeta Vangjush Mio, piktor, pjesë e artistëve realistë shqiptarë të gjysmës së parë të shekullit XX. Lindi në Korçë, në vitin 1891. Ai ishte një nga figurat më të rëndësishme të arteve pamore shqiptare, peizazhist dhe portretist i shquar, i vlerësuar dhe i njohur si “poeti” i peizazhit shqiptar. Vangjush Mio kreu studimet për pikturë në Shkollën Kombëtare të Arteve të Bukura të Bukureshtit, Rumani (1915–1919) dhe në Romë, ku kreu studimet në Akademinë Mbretërore të Shën Lukës (San Luca, 1924). Vangjush Mio ishte piktori i parë impresionist në Shqipëri. Shtëpia e artistit në Korçë është shpallur “Shtëpi muze” dhe Qendra Kulturore mban emrin e tij. Është vlerësuar me titullin “Piktor i Popullit”. (Në fotografi: Vangjush Mio, autoportret, 1939.)
Teksti: Ylli Drishti
Fotografia: © http://www.albanianart.net/painting/mio/
Përpunim grafik: AHCF
