Në Malësinë e Dukagjinit u vra nga forcat armike Çelo Sinani, pionier pjesëmarrës i Luftës Antifashiste Nacionalçlirimtare, Hero i Popullit. Lindi në Picar të Kurveleshit (Gjirokastër), në vitin 1929. Në moshën 13 vjeç u radhit në rreshtat partizanë, në fillim me çetën e Kurveleshit, në batalionin “Asim Zeneli” (1943) e më vonë në Brigadën VI Sulmuese (1944). Mori pjesë në aksione e luftime. U vra në vitin 1944. (Në fotografi: Çelo Sinani)
Teksti: Fjalor enciklopedik shqiptar – Vëll. 3, Akademia e Shkencave e Shqipërisë, “Kristalina-KH”, Tiranë, 2009, faqe 2329–2330.
Fotografia: © Xhoxhi L., arkivi vetjak.
Përpunimi Grafik: AHCF
