herit_admin

U zhvillua “Beteja e Kulinës” ndërmjet ushtrisë osmane dhe kryengritësve shqiptarë në fushën e Llapit.

Në Tiranë lindi Aleksander Peçi, kompozitor dhe veprimtar i muzikës, Artist i Merituar. Kreu studimet për kompozicion në Institutin e Lartë të Arteve (1974).

Në Kavajë lindi Indrit Cara, luftëtar i Ushtrisë Çlirimtare të Kosovës, dëshmor.

Në Shën Gjergj të Malit të Zi, që në atë kohë i përkiste Dioqezës së Shkodrës, lindi dom Mark Gjani, klerik, martir i Kishës Katolike.

U nda nga jeta Dede Ahmet Ahmataj, kryegjysh bektashian.

U zhvillua “Betejat e Mazhiqit”, përballja e parë e drejtpërdrejtë e Ushtrisë Çlirimtare të Kosovës me ushtrinë serbe dhe lufta më e gjatë e Ushtrisë Çlirimtare të Kosovës në vitin 1998.

Në Korçë doli numri i parë i gazetës “Lidhja orthodhokse” (1909–1910), gazetë e përdyjavshme politike, fetare dhe letrare; botohej pjesërisht edhe në greqisht. Vijoi deri në numrin 22 (qershor 1910).

Në Vlorë lindi Remzi Kuçi, piktor, skulptor dhe illustrator i botimeve shkollore në gjysmën e dytë të shekullit XX.

Në Shkodër u inaugurua ekspozita ateiste me titull “Mbi rolin reaksionar të fesë” e cila qëndroi e hapur për 5 vjet dhe shërbeu dhe si ekspozitë shëtitëse duke shkuar në fshatra, malësi dhe zona industriale për të bërë propagandë antifetare.

U nda nga jeta Engjëll Mashi (1758–1821). Studiues arbëresh i historisë dhe i kulturës popullore shqiptare.