herit_admin

Në fshatin Lanaj të Kukësit lindi Sheh Ali Bogdani, klerik i lartë mysliman, nënmyfti i Lumës.

Në Leskovik lindi Naim S. Frashëri, aktor i teatrit dhe i filmit, Artist i Popullit, Hero i Punës Socialiste.

Në Manastir (sot Bitola, Maqedonia e Veriut) lindi Tajar Zavalani, veprimtar politik, historian, publicist.

Në Vaun e Dejës u zhvillua “Beteja e Oronikut”, një betejë që luftëtarët shqiptarë të udhëhequr nga Skënderbeu zhvilluan kundër një ushtrie të madhe osmane në fushë të hapur, duke pasur kundër tyre edhe Venedikun.

U organizua “Kryengritja e Fierit”, e organizuar për përmbysjen e regjimit monarkik, likuidimin e ndërhyrjes së imperializmit italian dhe vendosjen e një regjimi republikan. Shkaku i saj ishte keqësimi i gjendjes ekonomike e politike të vendit.

Në Tiranë u nda nga jeta Sokrat Mio, regjisor teatri, Artist i merituar.

Në fshatin Gollomboç të Prespës (Korçë) lindi Sterjo Spasse, shkrimtar.

Në Shkodër lindi Gaspër Pali, poet lirik.

Në Selanik, u vra me atentat Hasan Prishtina, veprimtar i lëvizjes kombëtare të periudhës së Rilindjes, i lëvizjes për një shtet demokratik në Shqipëri, për çlirimin e Kosovës dhe për bashkimin e saj me shtetin e pavarur shqiptar.

U nda nga jeta Gjergj Xhuvani, regjisor, skenarist, producent.