herit_admin

U zhvillua “Beteja e Mokrës”, beteja e parë që u zhvillua në luginën e Mokrës, ndërmjet forcave të ushtrisë shqiptare të udhëhequra nga Skënderbeu dhe ushtrisë osmane të komanduar nga Firuz pasha (i Maqedonisë).

Në Pejë (Kosovë) lindi Bedri Pejani, veprimtar i çështjes kombëtare, politikan, arsimdashës, kryetar i Lidhjes së Dytë të Prizrenit.

Në Stamboll lindi Riza Alizoti, inxhinier, i biri i Fejzi Alizotit.

Në Arbnesh të Zarës lindi Aleksandër Stipçeviç, historian i antikitetit, ilirolog, akademik.

U formua batalioni partizan “Antonio Gramshi”, formacion partizan i Ushtrisë Nacionalçlirimtare Shqiptare, i përbërë nga ish-ushtarë antifashistë italianë, të cilët pas kapitullimit të Italisë fashiste (8 shtator 1943) iu përgjigjën thirrjes së Shtabit të Përgjithshëm të Ushtrisë Nacionalçlirimtare Shqiptare për luftë kundër nazistëve gjermanë.

U formua Divizioni III Sulmues i Ushtrisë Nacionalçlirimtare Shqiptare.

Në Tiranë u ekzekutua “grupi i parë i deputetëve”, deputetë antikomunistë në parlamentin e parë të Shqipërisë komuniste, të cilët dolën hapur e të organizuar në mbrojtje të parimeve të demokracisë perëndimore dhe morën përsipër të bënin opozitën në parlament.

U nda nga jeta Qemal Draçini, kritik, studiues, publicist, lëvrues i poezisë dhe i prozës.

Tek lumi Lumbardh afër Prizrenit (Kosovë) u vra Hasan Remniku, luftëtar antikomunist dhe kundër pushtetit jugosllav në Kosovë.

Tek lumi Lumbardh afër Prizrenit (Kosovë) u vra Mustafë Koka, mësues dhe veprimtar i lëvizjes antikomuniste.