herit_admin

Në Tiranë u ekzekutua me varje Shefqet Beja, veprimtar politik, nënkryetar i Frontit Nacionalçlirimtar, deputet i legjislaturës së parë (1945).

Në Nju-Jork (SHBA) u nda nga jeta Mithat Frashëri, veprimtar politik, shkrimtar, publicist, përkthyes (i njohur edhe me pseudonimet Lumo Skëndo dhe Mali Kokojka).

Në Rexhin të Kurveleshit lindi Zaho Balili.

Në Svircë të Kamenicës (Kosovë) lindi Nuhi Berisha, veprimtar i lëvizjes ilegale.

Në Ribera (Sicili) lindi Françesko Krispi (Francesco Crispi), personalitet politik e shtetëror italian me origjinë arbëreshe.

Përfundoi marrëveshja e qeverisë së Ismail Qemalit, për krijimin e Bankës Kombëtare të Shqipërisë, me Karol Pitner e Oskar Pollak, përfaqësues të Wienner Bank Verein, që vepronte në emër të grupit bankar austro-hungarez dhe me Pietro Fenolio e Guido Ansbaher përfaqësues të Banca Commerciale Italiana, që vepronte në emër të grupit bankar italian.

Në Nju-Jork (SHBA), në një familje të mërguar nga Dragoti i Tepelenës, lindi Sten Dragoti, regjisor dhe producent shqiptaro-amerikan.

Në Bolonja (Itali) u nda nga jeta Luixhi (Luigi) Maria Ugolini, (1895–1936), arkeolog italian.

Në frontin e lumit Ebro të Spanjës u vra Asim Vokshi, veprimtar i lëvizjes komuniste, pjesëmarrës në Luftën e Spanjës, Hero i Popullit.

Në Bicaj të Kukësit u formua Brigada XXIV Sulmuese e Ushtrisë Nacionalçlirimtare Shqiptare.