herit_admin

U formua “Brigada XIV Sulmuese” e Ushtrisë Nacionalçlirimtare Shqiptare.

Në Tiranë lindi Rexhep Meidani, President i Republikës së Shqipërisë në vitet 1997–2002, fizikan, profesor, akademik.

Në spitalin ushtarak në zonën e Malishevës u nda nga jeta Skënder Çeku, luftëtar i Ushtrisë Çlirimtare të Kosovës, Hero i Kosovës.

Në Vokopolë të Beratit lindi Ferit Vokopola, politikan, teolog, përkthyes, organizator i Kongresit të Lushnjës dhe një nga nënshkruesit e Deklaratës së Pavarësisë në Vlorë, më 28 nëntor 1912, firmëtari më i ri i Aktit të Pavarësisë, ndër themeluesit e Medresesë së Tiranës, ndër autorët më përfaqësues të mistikës islame në Shqipëri.

Në Hoçisht të Korçës lindi Pandi Mele, piktor e grafist shqiptar i shekujve XX–XXI, Piktor i merituar.

U formua Brigada XVIII Sulmuese e Ushtrisë Nacionalçlirimtare Shqiptare.

Në Tiranë lindi Kastriot Islami, kryetar i Kuvendit të Shqipërisë (1991–1992), që doli nga zgjedhjet e para pas vendosjes së pluralizmit politik, fizikan, profesor. veprimtar politik.

Në Tiranë u nda nga jeta Prokop Mima, aktor, Artist i merituar.

Në Dajkoc të Kamenicës lindi Metush Krasniqi, veprimtar i lëvizjes për çlirimin e Kosovës dhe për bashkim kombëtar.

Në Hope (Arkansas) lindi Bill Klinton (William Jefferson Clinton), President i Shteteve të Bashkuara të Amerikës.