herit_admin

Në Tiranë, u nda nga jeta Kujtim Spahivogli, regjisor i teatrit, pedagog, Artist i Popullit.

Në Tiranë u nda nga jeta Aleks Buda, personalitet i historiografisë dhe i kulturës shqiptare në gjysmën e dytë të shekulli XX, kryetar i parë i Akademisë së Shkencave të Shqipërisë (1972–1993), Mësues i Popullit.

Në Tiranë u nda nga jeta Vilson Kilica, piktor shqiptar.

Në Gosë të Kavajës u pushkatua Kristaq Tutulani, veprimtar antifashist dhe pjesëmarrës në Luftën Antifashiste Nacionalçlirimtare, poet dhe prozator, dëshmor.

Në Gosë të Kavajës u pushkatua Margarita Tutulani, veprimtare e lëvizjes komuniste, pjesëmarrëse e Luftës Antifashiste Nacionalçlirimtare, Heroinë e Popullit.

Në spitalin e Prizrenit u nda nga jeta Bedri Pejani, veprimtar i çështjes kombëtare, politikan, arsimdashës, kryetar i Lidhjes së Dytë të Prizrenit.

U zhvillua “Beteja e Loxhës”, betejë e formacioneve të Ushtrisë Çlirimtare të Kosovës kundër trupave ushtarake dhe policore të Serbisë, në fshatin Loxhë afër Pejës.

U zhvillua “Masakra e Borovës”, e kryer nga nazistët gjermanë në fshatin Borovë të Kolonjës, si kundërpërgjigje ndaj rezistencës, që populli dhe forcat partizane i bënë një divizioni gjerman që hyri në tokat shqiptare nga Greqia.

Në betejën e Loxhës (Kosovë) u vra Rrustem Bruçi, luftëtar i Ushtrisë Çlirimtare të Kosovës, Hero i Kosovës.

U nda nga jeta në Berat Vexhi Buharaja, shkrimtar, përkthyes, historian, “Mësues i Popullit”.