herit_admin

U nda nga jeta Turhan pashë Përmeti (1839–1927), diplomat i Perandorisë Osmane dhe funksionar i lartë politik i shtetit shqiptar.

Në Shkodër u nda nga jeta Frederik Rreshpja, poeti lirik, eseist, publicist dhe botues.

U shpall Pavarësia e Kosovës.

Në spitalin e Lungros (Itali) u nda nga jeta Emanuele Giordano, studiues, një nga personalitetet më të rëndësishme të kulturës arbëreshe.

Në Shkodër lindi Justin Rrota, filolog dhe gjuhëtar, klerik, Mësues i Popullit.

Në fshatin Blinisht të krahinës së Zadrimës, lindi Pjetër Zarishi (1806–1866), veprimtar dhe luftëtar i lëvizjes për çlirimin kombëtar, poet.

Në fshatin Marec të Prishtinës lindi Basri Canolli, luftëtar i Ushtrisë Çlirimtare të Kosovës, Hero i Kosovës.

Në Laç të Vaut të Dejës, ku familja e tij, njëra prej më të vjetrave të Shkodrës, ishte vendosur në kohën e rrethimit të qytetit nga malazezët, lindi Imzot Ernest M. Çoba, klerik i lartë katolik, Sekretari i Përgjithshëm i Kryesisë së Kishës Katolike të Shqipërisë, Kryetar i Kishës Katolike të Shqipërisë (1957).

U nda nga jeta Zihni Sako, folklorist dhe shkrimtar, profesor.

Në Gjakovë lindi Sadedin Shehu, luftëtar i Ushtrisë Çlirimtare të Kosovës, dëshmor.