herit_admin

U formua Divizioni III Sulmues i Ushtrisë Nacionalçlirimtare Shqiptare.

Në Tiranë u ekzekutua “grupi i parë i deputetëve”, deputetë antikomunistë në parlamentin e parë të Shqipërisë komuniste, të cilët dolën hapur e të organizuar në mbrojtje të parimeve të demokracisë perëndimore dhe morën përsipër të bënin opozitën në parlament.

Tek lumi Lumbardh afër Prizrenit (Kosovë) u vra Hasan Remniku, luftëtar antikomunist dhe kundër pushtetit jugosllav në Kosovë.

Në Prishtinë lindi Melihate Ajeti, aktore.

U zhvillua “Lufta e Arbanës”, përplasja e parë e madhe me pushtuesit nazistë gjermanë në qarkun e Tiranës.

Në fshatin Arbanë të Tiranës u formua Brigada III Sulmuese e Ushtrisë Nacionalçlirimtare Shqiptare.

Në fshatin Maqi (it. Macchia Albanese) të krahinës së Kozencës (Kalabri) lindi Mikel Markiano (it. Michele Marchiano), historian i letërsisë, folklorist e përkthyes arbëresh.

Në fshatin Burgajet të Matit lindi Ahmet Zogu (Mbreti Zog i Parë), themelues i Mbretnisë Shqiptare, president dhe kryeministër i Shqipërisë, personalitet politik e ushtarak.

Në Shkodër lindi Manush Alimani, veprimtar i Luftës Antifashiste Nacionalçlirimtare, Hero i Popullit.

U çel Muzeu Historik dhe Arkeologjik Zogu I, muzeu i parë në Shqipëri, i krijuar tërësisht me objekte të zbuluara në një sit të vetëm arkeologjik dhe që kishte njëkohësisht parametrat e një muzeu publik.