herit_admin

Më 14 prill 1926, në Elbasan lindi Maksen Bungo, shkrimtar.

Më 14 prill 1966 u zbulua Amfiteatri i Durrësit, i ndërtuar në dhjetëvjeçarët e fundit të shekullit I pas Krishtit.

Te Kodra e Priftit në Tiranë, u ekzekutua Aqif Përmeti, ushtarak i lartë, Komandant i Përgjithshëm i Xhandarmërisë Shqiptare, themelues dhe drejtues i së parës shkollë xhandarmërie, krijues i repartit të xhenios, krijues i Topografisë Ushtarake.

Në Ferizaj të Kosovës lindi Astrit Bytyçi, luftëtar i Ushtrisë Çlirimtare të Kosovës, dëshmor.

Më 14 prill 1945, u dënua me vdekje si kolaboracionist dhe u pushkatua Fejzi Alizoti, veprimtar politik.

Më 14 prill 1945, në Tiranë u ekzekutua Terenc Toçi, gazetar e politikan.

Më 13 prill 1882, në Livorno të Italisë u nda nga jeta Dhimitër Kamarda (it. Demetrio Camarda), gjuhëtar e filolog arbëresh, klerik.

Më 13 prill 1905, u nda nga jeta kleriku dhe shkrimtari Pashko Babi.

Më 13 prill 2004, në Tiranë u nda nga jeta Bedri Dedja, pedagog e psikolog, historian i arsimit shqiptar, shkrimtar, teoricien e kritik i letërsisë për fëmijë, akademik.

U ekzekutua me pushkatim Kolë Prela, profesor, nacionalist, luftëtar antifashist, deputet i Dukagjinit.