herit_admin

Në Konstancë të Rumanisë doli numri i parë i gazetës “Flamur’ i Shqipërisë” (1915–1916), gazetë politike e shoqërore, organ i shqiptarëve të Rumanisë; botohej një herë në dhjetë ditë, shqip dhe rumanisht; disa kryeartikuj edhe frëngjisht e anglisht.

Në Lekdush të Tepelenës lindi Mustafa Matohiti, pjesëmarrës i Luftës Antifashiste Nacionalçlirimtare, Hero i Popullit.

U zhvillua “Beteja e Lumës”, betejë e malësorëve të Lumës dhe të rrethinave të saj kundër ushtrisë pushtuese serbe, e cila pas shpërthimit të Luftës Ballkanike u dynd në tokat shqiptare për pushtimin dhe aneksimin e tyre nga Serbia.

Në Shkodër lindi Tahir Dizdari, filolog, orientalist i shquar.

U nda nga jeta Gavril Dara i Riu, poet arbëresh dhe studiues të shqipes dhe të traditave arbëreshe (1826–1889).

U nda nga jeta Nonda Bulka, shkrimtar satirik, pedagog.

U zhvillua “Beteja e Mushqetasë”, luftime kundër forcave gjermane që u zhvilluan në kuadrin e luftës për çlirimin e Tiranës.

Në Frasnitë (it. Frascineto), krahina e Kozecës (Kalabri) lindi Françesko (Francesco) Solano, gjuhëtar arbëresh, shkrimtar.

Nisi punimet “Kongresi i Manastirit”, kongres kombëtar i mbajtur në Manastir (sot Bitola në Maqedoninë e Veriut).

Në Trieste (Itali) doli numri i parë i gazetës “Dashamiri” (1907–1908), gazetë e përdyjavshme politike, shoqërore, kulturore, ekonomike e letrare.