U formua Divizioni VII Sulmues i Ushtrisë Nacionalçlirimtare Shqiptare. Në të u rreshtuan: Brigada II Sulmuese, Brigada IX Sulmuese dhe Brigada XX Sulmuese. Në përbërje të Korparmatës II Sulmuese, Divizioni VII Sulmues kreu detyra luftarake në Shqipërinë e Jugut e atë të Mesme, në qarqet Berat dhe Elbasan, për ruajtjen e kufirit tokësor të Jugut, për spastrimin e vendit nga mbeturinat e grupeve të armatosura dhe për ruajtjen e forcimin e pushtetit. Shtabi i Divizionit VII Sulmues drejtohej nga komandant Panajot Plaku dhe komisar Gafur Çuçi. (Në fotografi: Partizanë të Divizioni VII Sulmues.)
Teksti: Fjalor enciklopedik shqiptar – Vëll. 1, Akademia e Shkencave e Shqipërisë, “Kristalina-KH”, Tiranë, 2008, faqe 494.
Fotografia: © Arkivi Qendror Shtetëror
Përpunim grafik: AHCF
