Në Palermo (Itali) u nda nga jeta Dom Sante Gemelli, klerik katolik i dënuar nga regjimi komunist. Lindi në Mesina, më 1897. Nga viti 1941 deri në janar 1945 drejtoi jetimoren e vendosur pranë Seminarit Papnor në Shkodër. U përpoq të ngjitej në një anije në Durrës me rregulltarët e tjerë të huaj, por më 18 shkurt u arrestua dhe u transferua në burgun e Shkodrës. Prej aty u dërgua në burgun e Tiranës. Pas ndonja njëzet ditësh, më në fund u lirua me dorëzani, dhe aty nga gjysma e marsit të atij viti, u riatdhesua në Itali. U nda nga jeta në moshën 68-vjeçare. (Në fotografi: Sante Gemelli)
Teksti: Fjalor enciklopedik i viktimave të terrorit komunist – Vëll. II, “West Print”, Instituti i Studimit të Krimeve dhe Pasojave të Komunizmit, Tiranë, 2013, faqe 338.
Fotografia: © Instituti i Studimit të Krimeve dhe Pasojave të Komunizmit
Përpunim grafik: AHCF
