Në Shtetet e Bashkuara të Amerikës lindi Henri Uodsuërth Longfelou (Henry Wadsworth Longfellow), poet amerikan me veprimtari shumë të gjerë letrare. Shkroi vjersha, romane, pjesë teatrore, u mor me përkthime nga letërsia klasike e popujve evropianë. Nën nxitjen e Dora d’Istrias hartoi poemën romantike “Skënderbeu”, me temë kthimin e heroit në Krujë pas betejës së Nishit. Poeti e ka paraqitur kryetrimin si një hero legjendar. Vepra është shqipëruar në mënyrë mjeshtërore nga Fan S. Noli (1916). U nda nga jeta në Shtetet e Bashkuara të Amerikës, në vitin 1882. (Në fotografi: Henry Wadsworth Longfellow)
Teksti: Fjalor enciklopedik shqiptar – Vëll. 2, Akademia e Shkencave e Shqipërisë, “Kristalina-KH”, Tiranë, 2008, faqe 1535.
Fotografia: © https://www.britannica.com/biography/Henry-Wadsworth-Longfellow
Përpunim grafik: AHCF
