U nda nga jeta Drita Pelinku, aktore, regjisore, pedagoge, Artiste e merituar. Lindi në Vlorë, në vitin 1926. Ishte e vetmja vajzë që u pranua në shkollën e parë dramatike (dhjetor 1944). Si aktore e Teatrit Kombëtar ka realizuar mbi 110 role, gjysma e të cilave role kryesore, si Luiza Miler te “Intrigë e dashuri” (F. Shiler), Gonerila te “Mbreti Lir” (Shekspir), Diana te “Qeni i kopshtarit” (Lope de Vega), Zojcika te “Letër e humbur” (J. L. Karaxhale), Megi te “Mbretëresha e bukur” (Mack Donagh) etj., dhe 15 role në kinematografi: Halla (“Njeriu me top”), Budja (“Kur hidheshin themelet”) etj. Nga viti 1976, pedagoge e mjeshtërisë së aktorit në Akademinë e Arteve Tiranë. Si regjisore ka vënë në skenë dramat “Motrat” (P. Ziba), “Hijet” (H. Ibsen), “Shumë zhurmë për asgjë” (Shekspir), “Kënga e mjellmës” (A. Çehov), “Shërbëtori i dy zotërinjve” (K. Goldoni). Ka fituar Çmimin e Parë Mbarëkombëtar “Ismail Qemali” (1996). Është dekoruar me urdhrin “Mjeshtër i Madh i Punës”. (Në fotografi: Drita Pelinku)
Teksti: Fjalor enciklopedik shqiptar – Vëll. 3, Akademia e Shkencave e Shqipërisë, “Kristalina-KH”, Tiranë, 2009, faqe 1978.
Fotografia: © https://sq.wikipedia.org/wiki/Drita_Pelinku
Përpunim grafik: AHCF
