Në Shkodër doli numri i parë i gazetës “Republika” (1923–1925), gazetë e përjavshme politike, shoqërore e kulturore; botohej pjesërisht edhe në frëngjisht.
U nda nga jeta Sali Butka, veprimtar i lëvizjes për çlirim kombëtar dhe mbrojtjen e tërësisë territoriale të vendit gjatë Rilindjes Kombëtare. Lindi në fshatin Butkë të Kolonjës, në vitin 1857.
Në Berlin të Gjermanisë u nda nga jeta Franc Bop (Franz Bopp), gjuhëtar gjerman, albanolog, themeluesi kryesor i gjuhësisë krahasuese historike indoevropiane, profesor në Universitetin e Berlinit.
