Këshilli i Sigurimit të Kombeve të Bashkuara miratoi Rezolutën 1244, sipas së cilës krijohej një administratë civile ndërkombëtare për të siguruar kushte për një jetë në paqe dhe normale për të gjithë banorët në Kosovë.
Në Gjirokastër lindi Bedri Spahiu, veprimtar i lëvizjes komuniste në Shqipëri, pjesëmarrës i Luftës Antifashiste Nacionalçlirimtare, funksionar i lartë i shtetit dhe i Partisë së Punës të Shqipërisë, Hero i Popullit.
Përfundoi punimet “Kongresi i Berlinit”, mbledhje ndërkombëtare e përfaqësuesve të Fuqive të Mëdha të kohës: Anglisë, Austro-Hungarisë, Gjermanisë, Rusisë, Francës, Italisë dhe Turqisë.
Përfundoi me fitore “Revolucioni Demokratik i Qershorit”, revolucioni i parë në Shqipëri që synoi të likuidonte mbeturinat e feudalizmit, t’i hapte rrugën zhvillimit të kapitalizmit dhe të forconte pavarësinë e vendit.
Në Dardhë të Korçës lindi Sotir Peci, veprimtar i Rilindjes Kombëtare dhe i periudhës së Pavarësisë, figurë e shquar e arsimit kombëtar, Mësues i Popullit.
Filloi punimet “Lidhja Shqiptare e Prizrenit”, organizata e parë dhe më e rëndësishme mbarëshqiptare me karakter politik dhe ushtarak, e cila synoi të zbatonte programin politik të Rilindjes Kombëtare Shqiptare.
