Në Tiranë lindi Spiro Kristo, piktor dhe ilustrator i njohur në artin shqiptar. Studioi në Akademinë e Arteve në Bukuresht, por u diplomua në Tiranë. Ai ishte një nga piktorët e realizmit socialist shqiptar. Duke filluar nga viti 1958, Spiro Kristo ka marrë pjesë në të gjitha ekspozitat dhe konkurset kombëtare të arteve pamore. Spiro Kristo ka realizuar tablo kompozicionale me temën e ndërtimit socialist, portrete, peizazhe, postera, ilustrime të ndryshme dhe grafika. Veprat e tij janë realiste dhe me kolorit të plotë e pa shumë kontraste grafike. U nda nga jeta në vitin 2011. (Në fotografi: Vepra e Kristos “Brigadierja”, vaj në kanavacë, 1976.)
Teksti: Ylli Drishti
Fotografia: © https://www.documenta14.de/en/artists/16208/spiro-kristo
Përpunim grafik: AHCF
