Në Korçë doli numri i parë i gazetës “Zëri i Korçës” (1925–1931), gazetë e paanshme politike, letrare, kulturore, sociale edhe ekonomike. Doli rregullisht, dy herë në javë; vijoi deri në numrin 591. Pasqyronte kryesisht jetën dhe zhvillimet bashkëkohëse të qytetit e të qarkut të Korçës; trajtonte dhe çështje me karakter kombëtar, si dhe nga historia e luftërave për liri e pavarësi dhe nga përpjekjet për qytetërim evropian etj. (Në fotografi: Pamje nga qyteti i Korçës, 1925.)
Teksti: Fjalor enciklopedik shqiptar – Vëll. 3, Akademia e Shkencave e Shqipërisë, “Kristalina-KH”, Tiranë, 2009, faqe 2988.
Fotografia: © Bashkia Korçë
Përpunim grafik: AHCF
