Në Gjirokastër, doli numri i parë i gazetës “Drita”, gazetë e përjavshme politike e shoqërore. Vazhdoi botimin deri në 197 numra. Drejtor dhe redaktor ishte Veli Hashorva. Mbajti qëndrim patriotik dhe u rendit në krahun më përparimtar të kohës. U ngrit kundër pushtimit italian të Vlorës (1920). Në jetën politik e shoqërore të vendit përkrahu luftën e demokratëve liberalë për ndërtimin ekonomik e social të vendit sipas modelit të sistemit politik të vendeve të Evropës Perëndimore. (Në fotografi: Ballina e gazetës “Drita”)
Teksti: Fjalor enciklopedik shqiptar – Vëll. 1, Akademia e Shkencave e Shqipërisë, “Kristalina-KH”, Tiranë, 2008, faqe 534.
Fotografia: © Xhoxhi L., arkivi vetjak
Përpunim grafik: AHCF
