Në Shkodër lindi at Donat Kurti, klerik katolik, studiues, etnograf e folklortist i shquar. Studioi teologji dhe filozofi në Kolegjin Antonian në Romë. U shugurua prift, më 1927. Pas kthimit në Shkodër, dha mësim në Liceun Françeskan “Illyricum”. Nga viti 1938 deri më 1941 shërbeu si drejtor i këtij gjimnazi. U zgjodh rishtas në vitin 1944. Si shumë priftërinj katolikë, u arrestua më 1946 dhe bëri 17 vjet burg (në Shkodër, Burrel, Beden dhe kampe të tjera internimi). U nda nga jeta në vitin 1983. (Në fotografi: Donat Kurti)
Teksti: Fjalor enciklopedik i viktimave të terrorit komunist – Vëll. IV, “West Print”, Instituti i Studimit të Krimeve dhe Pasojave të Komunizmit, Tiranë, 2015, faqe 398.
Fotografia: © https://en.wikipedia.org/wiki/Donat_Kurti
Përpunim grafik: AHCF
