herit_admin

U zhvilluan “Provokacionet e gushtit 1949”, sulme që ndërmorën forcat ushtarake greke kundër Republikës Popullore të Shqipërisë, në kohën kur në Greqi zhvillohej lufta civile, nën pretekstin se Shqipëria ndihmonte forcat kundërshtare greke.

Në fshatin Vig të Mirditës u zhvillua “Lufta e Vigut”.

U organizua Mbledhja e Mukjes, mbledhje e delegacioneve të Këshillit të Përgjithshëm Nacionalçlirimtar dhe të Ballit Kombëtar.

Në Delvinë lindi Panajot Kanaçi, koreograf, Artist i Popullit.

U nënshkrua “Protokolli Shqiptaro-Italian”, marrëveshje dypalëshe midis përfaqësuesve të qeverisë shqiptare dhe qeverisë italiane.

Në Shkodër lindi Hafëz Esat Myftia, klerik i lartë, kryetar i Komunitetit Mysliman Shqiptar (1967).

U nënshkrua “Marrëveshja e Podgoricës”, marrëveshja zyrtare e nënshkruar midis shqiptarëve dhe përfaqësuesve të qeverisë osmane në përfundim të kryengritjes së Malësisë së Mbishkodrës (1911).

Në Worringen të Gjermanisë lindi dom Jozef Marksen, martir i Kishës Katolike.

Shpërtheu “Kryengritja e Ilindenit”, një kryengritje nacionalçlirimtare e popullsisë maqedonase të rretheve të Manastirit dhe të Trakës kundër zgjedhës osmane. Udhëhiqej nga Organizata e Brendshme Revolucionare e Maqedonisë VMRO, që luftonte për formimin e një Maqedonie autonome.

Në Elbasan lindi Ali Cungu, pedagog, një nga përkthyesit më të njohur nga gjuha shqipe në anglisht.