herit_admin

U nda nga jeta Jani Minga, veprimtar i shkollës shqipe, i Rilindjes Kombëtare dhe i Lëvizjes demokratike (1920–1924), Mësues i Popullit.

Në Tiranë, u nda nga jeta Maks Velo, arkitekt, piktor, shkrimtar, publicist dhe intelektual i shquar.

Në Rahovec të Kosovës lindi Selajdin Mullaabazi, luftëtar i Ushtrisë Çlirimtare të Kosovës, dëshmor.

Në Trieste (Itali) doli numri i gazetës “Dashamiri i Ri”, vazhdim i gazetës “Dashamiri” (1907–1908), gazetë e përdyjavshme politike, shoqërore, kulturore, ekonomike e letrare.

Në senatoriumin e Barit (Itali), u nda nga jeta Mehmet Delia (i njohur edhe si Mehmeti i Vogël, 1898–1946), luftëtar në lëvizjen kundër pushtimit serb dhe për bashkim kombëtar, pjesëmarrës në lëvizjen demokratike në viteve ’20 të shekulli XX.

Lindi në Shkodër Elez Kadria, aktor, regjisor, Artist i merituar.

Në Principatën e Kastriotëve, mendohet se lindi Gjergj Kastrioti - Skënderbeu, Heroi Kombëtar i shqiptarëve, strateg e burrë shteti i madh, që udhëhoqi luftën për liri e pavarësi kundër pushtimit osman, për bashkimin politik-shtetëror të popullit shqiptar.

U nda nga jeta Lekë Matrënga (Luca Matranga, 1567–1619), klerik ortodoks i bashkësisë arbëreshe të Sicilisë.

Në fshatin Macukull të Matit lindi Kurt Kola.

Në kampet e përqendrimit që krijoi Hitleri, u nda nga jeta Norbert Jokli (1877–1942), gjuhëtar austriak, indoevropianist, albanolog.