Në Uorçester (SHBA) doli numri i parë i gazetës “Sazani” (1917–1918), gazetë e përdyjavshme politike e shoqërore. U botua në shqip e anglisht. Vijoi me ndërprerje 8 numra, deri më 26 mars 1918. Gazeta “Sazani” propagandoi bashkimin e forcave atdhetare të kolonive shqiptare të Amerikës në federatën “Vatra” dhe mbajtjen gjallë të ndjenjave kombëtare. Gazeta kohë pas kohe pasqyronte edhe veprimtaritë e kolonive të tjera shqiptare në Shtetet e Bashkuara të Amerikës. (Në fotografi: Ballinë e gazetës “Sazani”.)
Teksti: Fjalor enciklopedik shqiptar – Vëll. 3, Akademia e Shkencave e Shqipërisë, “Kristalina-KH”, Tiranë, 2009, faqe 2304-2305.
Fotografia: © https://www.facebook.com/159323554111375/photos/
Përpunim grafik: AHCF
