Në Përlepnicë të Gjilanit (Kosovë) lindi Xhavit Ahmeti, kimist, profesor universiteti. Shkollimin fillor e kreu në vendlindje, ndërsa Normalen në Gjilan. Në vitin 1975 kreu studimet për kimi në Fakultetin e Shkencave Matematike-Natyrore të Universitetit të Prishtinës. Studimet pasuniversitare dhe tezën e disertacionit e mbrojti në Fakultetin e Shkencave Matematike-Natyrore të Universitetit të Zagrebit (1985). Zgjidhet asistent i kimisë në Fakultetin e Shkencave Matematike-Natyrore të Universitetit të Prishtinës (1975) dhe më pas profesor asistent dhe profesor i asociuar. Publikoi punime në revista shkencore dhe mori pjesë me kumtesa në tubime shkencore, projekte etj. Është bashkautor i tekstit universitar “Kimia fizike eksperimentale”. U nda nga jeta në një aksident trafiku, në vitin 1996. (Në fotografi: Xhavit Ahmeti)
Teksti: Fjalor enciklopedik i Kosovës – Vëll. I, Akademia e Shkencave dhe e Arteve e Kosovës, Prishtinë, 2018, faqe 26.
Fotografia: © https://www.facebook.com/photo/?fbid=231265385858129&set=a.231265362524798
Përpunim grafik: AHCF
