Në fshatin Kralan të Gjakovës, gjatë luftimeve të ashpra u vra Ilir Soba, luftëtar i Ushtrisë Çlirimtare të Kosovës, dëshmor. Lindi në Gjakovë, në vitin 1971. Shkollën fillore dhe atë të mesme i kreu në vendlindje. Pas shkollës së mesme u regjistrua në Universitetin e Prishtinës, në Fakultetin Elektroteknik, dega e automatikës. Por në vitin e tretë u detyrua t’i ndërpresë studimet dhe më 25 maj 1998 u inkuadrua në radhët e Ushtrisë Çlirimtare të Kosovës, në Shtabin e Gllogjanit. Mori pjesë në vijën e parë të frontit në luftimet që u zhvilluan në Prejlep, Prekolluk, Lumbardh, Broliq, Jabllanicë të Gjakovës etj. Më 17–18 tetor 1998, kur forcat serbe u vendosën në fshatin Kralan të Gjakovës, zonë kjo që deri atë ditë kontrollohej nga vëzhguesit e Ushtrisë Çlirimtare të Kosovës, u bë një konfrontim i hapur me forcat serbe. Në luftime mori pjesë edhe Ilir Soba. Gjatë luftimeve të ashpra, u vra më 1998. (Në fotografi: Ilir Soba)
Teksti: https://radiogjakova.info/
Fotografia: © https://www.facebook.com/Gjakovade/photos/a.154277657943356/584921191545665/?type=3
Përpunim grafik: AHCF
